Kut ka ïakob ïalehkai carrom ka Lawei ka Ri, rah ka Ryntihlang CC

Shillong, Jymmang 25: Ka 18th Lawei ka Ri Open Carrom Championship, 2025 basan sngi ba la pynïaid da ka Lawei ka Ri Sports Social & Cultural Club ha Indoor Sports Hall jong ka Mawlai Mawdatbaki ka la kut noh ha ka 24 tarik u Jymmang, 2025 ka sngi Saitjaiñ.
Ha kane ka sngi kut la ïa don lang u MDC ka Mawlai Constituency u bah Eddieson Kharumnuid, ki nongïalam na ka Meghalaya Carrom Association, ki nongïalam ka Lawei ka Ri u Bah A. Khyriem, Secretary, bah G. Lymba, ki nongïalehkai bad kiwei kiwei.
Haba phai sha ka jingïakhun ba paramarwei jong ki khynnah shynrang (Boy Single) ha kane ka sngi, u Nicholas Kharjana u la lah ban pynliem ïa u M. Marwein ha ka jingïakhun ïa ka final, kaba mut u Nicholas u la wan nyngkong bad u Marwein u la wan baar.
Ha ka Women Single ne jingïakhun paramarwei jong ki kynthei pat la wan nyngkong da ka S. Mukhim, kaba la lah ban pynliem ïa ka D. Kshiar bad da kane ka jingrem ka la wan baar.
Ha ka Men Double la iohrah da u B. War bad u V. War, katba u S. Lyngdoh bad u R. Sarkar ki la wan baar.
Ha ka jingïakhun jong ki Veteran Single la wan nyngkong da u A.Lyngdoh bad baar u K. Marwein.
Ha ka Mixed Double la wan nyngkong da ka kong S. Mukhim bad u D. Sewa bad la wan baar da ka kong D. Kshiar bad u M. Pde.
Katba ha ka jingïakhun jong ka Men Single pat la wan nyngkong da u Vivek War bad baar u B. Sarkar.
Ha ka jingïakhun jong ka kynhun ne team pat la iohrah da ka Ryntihlang CC (S. Syiem, R. Sarkar, K. Nongrang, M. Pde, D. Sewa bad A. Blah) bad la wan baar da ka Jaiaw Laitdom (B. War, A. Lyngdoh, R. Rani, V. War, B. Wahlang bad B.Barim).
Ïa kane ka jingïakob ïalehkai carrom ba ju pynlong manla u snem ka la sdang ha ka 20 tarik bad ka la kut pat ha ka 24 tarik u Jymmang, 2025.