Kurup ki shipai BSF ïa ki dawai jyrhoh bad ki mar khaii tuh na khappud

0

Shillong, K’lyngkot, 19: Ki shipai Border Security Force (BSF) ha Meghalaya ki la ïoh kurup ïa ki dawai jyrhoh bad ïa kiwei pat ki mar khaii tuh kiba shongdor palat T. 7.20 lak ha ka sngi Saitjaiñ, ha khappud Indo-Bangladesh.
Lyngba ka jingïoh jingtip na ki tnat syntiat, ki shipai BSF jong ka 172 nd Battalion ki la pynlong ka jingkhynra ha kaba ki la ïoh kurup 500 bilor ka dawai jyrhoh bad kynthup ïa kiwei ruh ki mar khaii tuh.
Dang shen, ki shipai BSF ki la ïohbat ïa uwei u nong India bad na ka met jong u, ki la ïoh kurup shibun bah ka pisa bar ri najan khappud Indo-Bangladesh ha East Khasi Hills district.
Ha ka jingpynap shrip ha ka 15 tarik mynta u bnai, ki shipai BSF ki la ïohkem ïa u Nong India bad kurup T. 3,66,850 lak ka pisa Bangladeshi Taka (BDT) bad T. 1,15,510 lak ka pisa India.

Leave A Reply

Your email address will not be published.