Khliehriat, K’lyngkot, 05: Ki Pulit jong ka Umkiang Patrolling Post, East Jaiñtia Hills District hynnin ka sngi Saitjaiñ bad ha ka sngi u Blei ki la ïoh kurup san tylli ki motorbike na ka shnong Kuliang bad na ka dong Wakhoh, Umkiang ïa kaba ki la suba jur ba ki dei ki thuk thuk ba la shu tuh.
Ki Pulit ka Umkiang ki la lap ba ïa kine ki motor bike ba kynthup ïa ka Royal Enfield bad Pulsar la shu iehnoh kumto bad ha ka sngi Saitjaiñ la lap ar tylli na Kuliang bad lai tylli kiwei pat ki motorbike la lap ha ka sngi U Blei na dong Wahkoh ha ka shnong Umkiang.
Ïa kine ki thuk thuk la rah noh sha Thanat da ki Pulit bad ban pynlong ïa ka jingtohkit katkum ki kyndon jong ka aiñ.
