Shillong, Risaw 05 : Ki shipai pahara khappud ba don ha East Khasi Hills ki la ioh ban kurup haduh 74 tylli ki masi ha kane ka sngi Balang na khappud.
Katkum ka kyrwoh khubor ba la pyllait da ki BSF, la ong hadien ba ki la ioh ia ka jingtip kaba tikna ka special team jong ka 4th bad 193rd Battalion BSF ki la pynlong ka jingkhkynra ha ki khappud jong ka East Khasi Hills bad ioh kurup haduh 74 tylli ki masi kiba thmu ban khaii sha Bangladesh na ki khappud.
Ka kyrwoh ka ong ruh ba ia kitei ki masi ki la aiti noh sha ka Police Station ba dei peit ban leh katkum ki kyndon ka ain.
Na ka liang ka BSF Meghalaya PRO ki la ong ruh ba ki shipai iada khappud ki la nang pynjur ka jingpahara bad ka jingpeitngor ha shilynter ka khappud Meghalaya bad ioh ban kurup haduh 2500 tylli ki masi na kylleng ki khappud jong ka jylla naduh u Kyllalyngkot 2023 da kaba pynpulom ia ka jingthmu jong ki nongkhaii beain.
