Shillong, Lber 18: Ki shipai BSF bad ki Pulit jong ka jylla kila pynlong ïa ka jingkhynra ha Rongra South Gao Hills District ha khappud bad ka Bangladesh kila ïoh ban kurup shibun ka shini na kawei ka ïing bad ka dor jong ka shini ka la long palat ïa ka shiphew lak tyngka.
Ïa ka shini ba la ïoh ban kurup na kawei ka ïing kaba don ha khappud ba la thmu ban phah sha Bangladesh, kane ka jingïoh ban kurup ka long hadien ka jingïatreilang hapdeng ki pulit ka jylla Meghalaya bad ki shipai BSF jong ka 200 Battalion ba don ha South Garo Hills.
Ki shipai BSF ki la kynnoh ba katei ka shini kaba la ïoh ban kurup ka dei kaba la mang ban shallan tuh sha Bangladesh, ha kaba la buh ha katei ka ïing jah kaba ym don ba kam haba ki pulit bad ki BSF kila khynra ïa katei ka jaka.
Hadien ba ki BSF kila dep ban pynbeit katkum ki kyndon jong ka aiñ kila aiti sha ki pulit jong ka Rongra Police Station ban leh ïa kaba donkam katkum ka aiñ ha kaba ïadei bad ka shini ba la ïoh ban kurup.
