Ban tehlakam ïa ka jingïaid ki kali ba kit palat pud, da ka kyndon aiñ 144 CrPC pynbna u DM

Mawkyrwat, Lber 18: Kum shibynta ba tehlakam na ka jingïaid ki kali ba kit palat pud (tam ïa ka 9 Matric Ton) kiba ju ïa lyngba ki jingkieng ba rit bad ba don hapdeng ki jingma, u bah T. Lyngwa, IAS, District Magistrate (DM) jong ka South West Khasi Hills District u la pynmih ïa ka kyndon aiñ 144 CrPC.
Kane ka jingpynmih hukum ka dei hadien ba u la ïoh jingujor ba ki la don ki jingkieng ne PWD Bridges kiba la sdang ban tor bad bad ap jingma ïa ka ïaid ka ïeng jong ki kali bad shuh shuh ki don ruh ki jingkieng kiba buh jingma lada ki kali ki kit palat pud ne heavy load.
Namarkata, u District Magistrate (DM) u la kdew ruh bad ki don 8 tylli ki jingkieng kiba don jingma lada kit palat pud kita ki long ka jingkieng No. 8/13 (Span = 12.20m) ha ka lynti Jakrem-Ranikor ba ïaid lyngba ka surok Rangmaw sha Mawksiar kaba jngai 17.44 KM, ka jingkieng No. 11/8, (Span=24.38 m) ha ka lynti Jakrem-Ranikor ba ïaid lyngba ka surok Rangmaw sha Mawksiar kaba jngai 17.44 KM, ka jingkieng No. 4/1 (Span = 32.70) ka lynti Mawkyrwat sha Photjaud kaba jngai 7.00 KM.
Nangta, shuh shuh ka jingkieng No 4/1 (Span – 30.30 m) ha ka surok Mawkyrwat sha Wahsiej kaba jngai 8.343 KM, ka jingkieng No 7/1(Span = 51.60 m) ha ka surok Mawkyrwat sha Wahsiej Road kaba jngai 8.343 KM, ka jingkieng No 1/2(Span = 13.80 m) ha ka surok Mawlangwir sha Nonglang lyngba ka Saitsnad kaba 3.00 KM, ka jingkieng No 2/1(Span = 4.10 m) ha ka Approach Road sha shnong Mawlangwir kaba 1.66 KM, bad ka jingkieng No 2/2 (Span = 4.10 m) ha ka Approach Road sha shnong Mawlangwir kaba 1.66 KM.
Namar ka jingdonkam ba kyrkieh, kane ka hukum ka treikam mardor naduh ba la pynbna paidbah.