Shillong, Naitung 14: Mynta ka sngi dang step ki shipai BSF kiba don ha Bagli Border Out Post , South West Khasi Hills District, ki la ïoh jingtip ba ki don ki briew kiba thmu ban rung sha Bangladesh hynrei haba la ïohi ïa ki BSF ki la phet noh na katei ka jaka bad ki BSF ki la ïoh ban kurup haduh 16 tylli ki song.
Ki BSF ki la kurup ïa kitei ki song bad haba la plied ïa ki la shem ba dei ki jaiñ saree bad kine ki jaiñ ki la kot sha ka T.14 lak tyngka na Bagli kaba hap hapoh jong ka South West Khasi Hills District.
Kine ki nongkhaïi beain ki la ïoh ban phet na ka tei ka jaka namar ka jinglong khlaw da kaba iehnoh noh ïa ki jingkit ban lait na ka kti jong ki shipai BSF,ïa kine ki tiar ba la ïoh ban kurup la aiti sha ki costom kiba don ha Borsora.
Ki BSF ki long kiba peitngor ban pynthikna ba ki nongkhaïi beaiñ kim dei ban ïoh lad ban ïa khaïi beaiñ ha khappud bad ka Bangladesh, ka jingïoh kem bad ki jingtip kaba ki ïoh ka long ba ki BSF ki la pynkhlaiñ shuh shuh ïa ki bor syntiat.
