Ban phah khubor jingsuk sha Manipur ïaid paidbah ka NEHUTA

0

Shillong, Naitung 14 : Ka North Eastern Hill University Teachers’ Association (NEHUTA) mynta ka sngi Thohdieng, ka la pynlong ïa ka jingïaïaid paidbah hapoh phyllaw ka skulbah NEHU ban phah ïa ka khubor ka jingsuk, ka jingïalong shipara hapoh ka Jylla Manipur, kaba don hapdeng ka thma ïapher jaidbynriew.
Ha kane ka rally la wan ïashimbynta da ki spah ngut ki samla pule, ki nonghikai, ki nongtrei bad ki riew paidbah na kylleng jong ki hynniew tylli ki Jylla ka thaiñ Shatei Lam Mihngi. Kane ka rally ka pyni ruh ïa ka jingkut jingmut bad ka sur ba naduh ka mynsiem ban wanrah ïa ka jingsuk jingsaiñ bad ban pynkut noh ïa ki jingïakynad ha Manipur.
Ka NEHUTA ka la ban jur ïa ka “Jingsuk bad jingbishar hok” kum ka mat ba hakhmat eh ba dei ban ïaid ha Manipur wat hashuwa ban pynkut noh ïa kane ka jingeh ba jyrwit jyrwat kaba la ñiew kum ka daw bah jong ka jingiakynad.

Leave A Reply

Your email address will not be published.