Khliehriat Lber 6 : Ki pulit jong ka Umkiang Patrolling Post lem bad
ka kynhun ki pulit ANTF, kaba hapoh ka jingïalam
u DSP Crime ka East Jaiñtia Hills District,
u B. Bhattacharjee MPS, myn ta ka sngi ki la ïoh ban kurup 75 gm u dork herion, ha kaba ïadei bad kane, ki pulit ki la kem noh ïa ki lai ngut kiba
don kti kiba la tip kyrteng kum u Raju Dkhar Alias precious 39 snem kyrta, uba na ka shnong Suchen Lumjarain, u Lamphrang Kyndiat, 42 snen kyrta, uba na ka shnong Sabah Muswang bad u Jop Siangshai, 45 snem kyrta, uba na ka shnong Ladrymbai Datsympeiñ.
Ki khubor pulit, ki ïathuh ba hadien ba
ki la ïoh ka jingtip kaba tikna ba u Raju Dkhar,
un sa leit sha Kalaiñ (Silchar) ban thied ne shim ïa ki tiar ba beaiñ (consignment of illegal contraband), kumta hi mar mar ki pulit ANTF bad ki pulit Umkiang
ki la buh ïa ki ktem (naka) ha kaba la ïoh ruh ban khana kdong ïa ka kali bad ïoh bat ïa u Raju Dkhar lem bad uwei
pat, u Lamphrang Kyndait , haba la talasi
ïa ki kali ba ki pyndonkam, la lap hynñiew tylli ki sunduk sabon kiba la thep da ki drok herion bad haba la tohkit, u Raju Dkhar
u la phla ïa ka kyrteng jong u Jop Siangshai
bad ong ba u dei u nong bei tyngka uba ki mut
ban pyn poi sha u, kumta da ka jingïatreilang sa bad ki pulit ANTF jong
ka Khliehriat la ïoh ban kem noh ïa u Jop Siangshai ruh.
Ïa ka ejahar
ha register ha Lumshnong Police Station bad ki pulit ki la bat noh ruh ïa ka kali maruti 800 kaba ki pyndonkam lem bad saw tylli ki mobile phone.
