Jowai, Lber 06: U District Magistrate ka West Jaiñtia Hills District u bah B.S. Sohliya, IAS, ula pynmih ïa ka hukum mynta ka sngi kaba la pynjynsur ïa ka Curfew ha ka shnong Sahsniang, West Jaiñtia Hills District naduh mynta ka sngi.
Katkum ka hukum kaba la pynmih mynta ka sngi u DM ula ïathuh ba ka kyndon 144 CrPC kaba la pyntreikam hapoh shnong Sahsniang la kham pynjynsur noh. Naduh mynta ka sngi 6 tarik u Lber, 2023 yn don noh tang ka Curfew miet bad kane kan treikam naduh ka por 9 baje mynmiet haduh 5 baje mynstep, tad haduh ban da pynmih da ka wei pat ka hukum.
