Guwahati, Iaiong 16 : Ki Pulit ka Assam hynne ka sngi U Blei, kila ïoh ban kurup ïa bun bah ki bomb gelatine bad ki tikli na kawei ka bos kaba hiar na Meghalaya shaphang ka Goalpara.
ïa kane ka bos la ïoh ban bat ha Krishnai, Assam bad ki bom ba la ïoh kurup ki kynthup ïa 1162 tylli ki galatine stick bad 998 tylli ki detonator.
Ki Pulit ki la kem ruh ïa uwei u briew na Rajabala uba la tip kyrteng u Abdul Malek, ong ki Heh Pulit ka Assam kiba ïathuh ba ka jingïoh kurup ïa kine ki tiar pynbthei ka la wan jia ha ka jingkhynra hadien ka jingïoh jingtip ba tikna ïa ka jingwan rah ïa kine ki tiar na Meghalaya.
