Shillong,Nailar 05: Ka khaïi ka pateng hapdeng ka Meghalaya bad ka Bangladesh ka la ktah jur hadien ba la mih ka jingïakulmar ha katei ka ri.
Ki khubor ba la ïoh ki ïathuh ba hadien ba ka jingkhaïi ka la sdang ban ïaid biang hadien ka jingjai jai kaba la wan na ka jingpynduh noh ka Supreme Court ka Bangladesh ïa ka jingbhah kam jong ka sorkar ka Sheikh Hasina, kaba la shim ïa ka jingim jong kumba 300 ngut ki briew, hynrei ka jingbthei biang ka jingïakhih kaba hynnin ka sngi, ka khaïi ka pateng ka la shah ktah biang.
Hadien ka jingïakhih kaba hynnin ka sngi, ha kaba kumba 100 ngut ki briew ki la ïap, ka Hasina mynta ka sngi, ka la hiar shuki noh kum ka Myntri Rangbah Duh bad phet noh na la ka jong ka ri ryngkat bad k apara jong ka.
Hadien la ïoh jingtip ba ka Hasina ka la wan phet sha India da ka jingthmu ban ïakren bad ka ri Bilat ban sah noh ha katei ka ri.
