Kiwei ki seng saiñ pyrthei ki shu kular kai ha ka manifesto halor ka Reservation Policy: Ardent

Shillong, Jymmang 24: U President ka Voice of the People Party (VPP) u Bah Ardent Miller Basaïawmoit u la ong ba ka jingkular kiwei ki seng riewlum ha ka manifesto jong ki ban pynbeit ïa ka Reservation Policy ka dei tang ka jingkular kai tang ban jop elekshon.
Haba kynthoh ïa ka ka UDP bad ka HSPDP kiba la pynrung ïa ka mat Reservation Policy ha ka manifesto jong ka hynrei kaba ym kren eiei, “Phin peit baroh ki seng saiñ pyrthei ba kam seng riewlum ki pynrung ïa kane ka mat hynrei kim kren eiei bad kumba nga ju ong ba ki kular kai ïa u paidbah bad ki dei ki seng ruh kiba don tang ban ïakhun elekshon ym ban weng ïa ki jingeh u paidbah,” u la ong.
“Nga sngewsih ban ong ba ki seng riewlum kim ïeng satia bad u paidbah. Ki don kien ban ïakhun elekshon ban kular bun ïa u paidbah hynrei tang shu kut ka eleskhon kine ki mat baroh ki la klet lut bad u paidbah ruh um phylla shuh ïa kane namar kane ka la ïai jia na ka por sha ka por,” u la bynrap.