Shillong, Ïaiong 20 : U Nongai Ktien ka sorkar jylla ba dei ruh u Myntri Sorkar ha ka jylla ha ka sngi Nyngkong u la mynta ba la jan ka elekshon MP ong ba kin don beit ki briew kiban shim kabu sainpyrthei pynban haba don kino kino ki jingiakhih. “Khlem artatien kin don beit, bad kin don ruh bun ki briew bad ki kynhun khamtam mynta ba la jan ka elekshon MP bun ki kynhun kin shim kabu sainpyrthei ïa kane,” u la ong haba kren bad ki lad pathai khubor. Ha kajuh ka por pat u Bah Wailad u la ong ba mynta ki paidbah ki la stad bha bad kumta ki tip kumno ban bishar ia ka haba ki iohi kum kine ki jingpyrshang ban shim kabu ia kino kino ki jingiakhih.
