New Delhi, Rymphang 07: Kumba la kdew ha ka Mang Tyngka ba shipor 2024-25 ba la wanrah ha ka Parliament ha ka 01tarik u Rymphang, 2024, u Myntri Rangbah Duh, Narendra Modi u la pynpaw ba donkam ban peitbniah ïa ki saw tylli ki bynta ka imlang sahlang kiba long na bynta u duk u suk, ki longkmie, ki samla bad ki nongrep.
Ki jingdonkam jong ki, ki jingthrang jong ki bad ka bha ka miat jong ki ki dei ki kam ba kongsan tam jong ka Sorkar.
Ha u snem mang tyngka 2024-25, ka mang tyngka na ka bynta ki kynthei ka la kiew da 38.6%.
Ki mat ba kongsan ki ïathuh ba ki don haduh 43 tylli ki Tnat Sorkar / UT kiba la ai jingtip shaphang ka 3.09 lak klur tyngka ha ka Gender Budget Statement 2024-25 (Budget Estimates), haba ïanujor bad ka 2.23 lak klur tyngka ha u 2023-24.
Nangta 38 tylli ki Tnat Sorkar bad 5 tylli ki UT ki la ai jingtip ha ka Part A lane Part B, 22 tylli ki Tnat Sorkar bad 5 tylli ki UT ki la ai jingtip ha ka Part A (100 persen ki skhim kiba long kyrpang ïa ki longkmie bad 31 tylli ki Tnat Sorkar bad 4 tylli ki UT ki la ai jingtip ha ka Part B (30-99 persen) ka jingbuh pisa na ka jingmang tyngka na ka bynta ki longkmie.
La ong ruh ba baroh ka pisa ha ka Mang Tyngka na ka bynta ki kynthei ba la ai jingtip ha ka GBS 2024-25 ka long 38.6 persen, kata palat ïa ka jingantad ïa ka mang tyngka jong u snem 2023-24.
Ka bynta jong ka jingmang tyngka na ka bynta ki kynthei ha ka Mang Tyngka jong ka Sorkar Pdeng ka dei kaba la kyntiew sha ka 6.5 persen ha u 2024-25 na ka 5 persen ha u 2023-24.
Shuh shuh 87 persen jong kane ka jingkyntiew ïa ka MangTynga na ka bynta ki kynthei haba ïanujor bad u snem ba la dep ka dei namar ka jingkyntiew ïa ka jingbuh kyrpang na ka bynta ki khynnah kynthei bad ki longkmie da 7 tylli ki tnat Sorkar:
Kine ki kynthup ïa ka tnad Kam Pohiing, ka Tnat Electronics and Information Technology, ka tnad New and Renewable Energy, ka Tnat Micro, Small and Medium Enterprises, ka tnad Petroleum and Natural Gas, ka tnad Drinking Water and Sanitation, bad ka tnad Rural Development
La kdew ruh ba ka tnad Power bad ka Tnat Civil Aviation ki la ai jingtip ha ka sien kaba nyngkong ha ka Gender Budget Statement 2024-25.
