Shillong, Nailar 18 : Ka Ophis Mawphor ha ka sngi Saitjaiñ ka la pynlong ïa ka jingkhalai nusib na bynta ban jied ïa ki nongjop ha ka ïakob kyntip Euro 2024.
Ha kane ka sngi la donlang ruh u Rangbah Shnong Mawkhar, Bah Arwan Tariang, Bah Samborlang K Marwein Managing Director Mawphor bad Bah Deimaialang Siangshai Editor Mawphor, ki nongtrei u Mawphor bad ki katto katne ngut ki nongshim bynta kiba la poi khnang sha kane ka jingkhalai nusib.
Ïa ka khusnam ba nyngkong kaba long 30,000 tyngka la ïoh da i Bah Wewanshan Wahlang na Lawsohtun, Block III. Ïa ka khusnam kaba ar, kaba long 20,000 tyngka la ïoh da i samla Macdonald Lyngdoh na Lummawbah. Katba ïa ka khusnam kaba lai kaba dei da ka Mobile Oppo A18 la ïoh da i Bah Wanbok L Lyngkhoi na Langtor, PO Mairang.
Ïa kine ki khusnam la noh synñiang da ka Star Cement bad da i Bah Manroibha Kharpuri, Assistant General Secretary (Election), NPP Meghalaya.
La kyntu ïa ki nongjop ba kin wan shim ïa kine ki khusnam hapoh ka shi taiew naduh ba pynmih ïa kane ka khubor. Ki nongjop ki dei ban wanrah lang ïa ki Identity Card kum ki EPIC, Aadhar Card, lane ki ID jong ki skul ne College ban pynshisha.
