Ki ktien ba la tyrwa ban shna thymmai ki long ki ba la shu thaw hi kat ba lah ban poiphang ha ka pyrkhat shimet bad lada ka long ka ba lah ban peiphang bad sngewthuh da ki paidbah, te ka shong sa tang ha ka bishar sani jong ki stad saiñktien bad ki thohjer thohnam na ki shlem ba kynsai jong ka imlang sahlang. La khmihlynti ba kiei kiei baroh kin long ki ba jynsur mynsiem bad ban husiar ban ym synjor, ban long ki ba kdup ïa ki ktien tnat na ki thaiñ kylleng sawdong bad ban pynneh longpdeng da ka ktien Khasi ka ba don ka thymmei na ka ktien Sohra.
La pyrshang ruh ban buh artat bad ka jingmut ha ka ktien phareng khnang ban kham suk ha ka bishar bad tynjuh lada dei ban pdiang ne kyntait lane lada dei ban dan ai jingmut shuh shuh da kumwei. Wat lada dang don ka tarajur ne pyrla ban tynjuh, u sawar ban thew bad u diengkot ban pynbiang tara; hynrei yn ieh shwa kumto khnang ban ym ktaid sha ka ban btai pynban. Kumta la tyrwa ki ktien kat ba lah ei ban kynshew kumne harum:
Surjingmut: ka mut ka sur jong ka jingmut marwei- Opinion
Surmyllung: ka mut ka ‘tienmyllung, ka phawer- Poetry, Lyrics
Swar-ri lane Suwari: ka mut ba shang swar ïa ki Ri satlak pyrthei- Tourism
Syngkhien lane Lamdien: ka mut ka lyndet ba shah syndah- Background, backdrop
Sylla syntiat: ka mut ba sylla bad syntiat buhrieh pyrshah- Espionage
Symbud Myntri Rangbah: ka mut u myntri ba mar bud na u myntri rangbah-
Deputy Chief Minister Symbud Lamphang: ka mut u lamphang ba mar bud na u ba ha khlieh- Deputy Speaker
Synroptien: ka mut ka thup thaw ktien shi synrop- Sentence
Taithoh: ka mut ka ba thoh da ka ba lah tai sani shwa- Editing, Editor
Temsurlang: ka mut ba ïa tem sur ryntih shi kynhun ki duhalia- Orchestra
Ther’tien thersur: ka mut ka ba pathai sur ha hawhaw- Radio
Thersur therdur: ka mut ka ba pathai durim bad sur ha hawhaw- Broadcast
Thewthik: ka mut ba thew thik ka khmat ne jingmut haba biang- Focus
Thewborshit thewborkhriat: ka mut ba thew ka bor jingshit ne jingkhriat ha ka mariang ne kano kano ka mar baneh ne bakhih- Temperature
Thoh Khyrwang: ka mut ba thohlieh thohïong- Stripe
Thohdur: ka mut ka ba thohrong thohrup, shnadur shnadar ki ba paw shynna- Visual Art
Thohdur Juk Mynta ne Thohdur Mynta: ka mut ka rukom thohdur ba katkum ka juk mynta- Contemporary art, Modern art
Thohjer thohnam: ka mut u riewthoh ba jer kyrteng artat- Author, Writer
Thohshin Thohtei: ka mut ba thohdur bad jingthew ban biang ha ka ba shna bad tei jyntei- Architecture
Thupkheiñ: ka mut ka thup buh jingkheiñ jingdiah- Statistic
Thup Nongrim: ka mut ka jynthaw na ka bynta ba pyndonkam ha imlang sahlang- Infrastructure
Thwetsani: ka mut ba thoh sani na ka bynta ban janai – Examine
Thynron: ka mut ba la kham rkhiang khlem sngem shuh- Parched
‘Tienkaplang: ka mut ka thup ktien ba kit shijingmut- Phrase
Tienmyllung: ka mut ki ktien ne kyntien ba thaw da ki myllung- Poetry
Tipthuh: ka mut ba tip bad sngewthuh ïa kiei kiei- Realise
Thirnia: ka mut ba ïa tai ïa kano kano ka phang- Discussion
Thrangtip: ka mut ba thrang ban tip dah ïa kaei kaei- Curiousity
Tnatbahkam: ka mut ka shnatbah ba kit kam- Ministry
Tyngkari, Pisajylla: ka mut ka bui kynshew ka pisa paidbah na ka bynta ban pyntreikam ha ka imlang sahlang, ka Ri ne jylla- Exchequer/Treasury
Umksiar umrupa umpyrdong: ka mut ka um ba lah pynkyntang- Water (Sanctified)
Umshngïam blei: ka mut ka kynja um ngap ba long dawai- Nectar
Umshkah: ka mut ka um khleh teiñteiñ- Jelly
Wai wat: ka mut ba pynkut- Conclusion
Weibriew: ka mut ba long marwei bad kiar na u paidlang- Introvert
Wei-na-shispah: ka mut shi bynta na ka shispah- Percent
Werlang: ka mut u nongkhot jingïalang- Convenor
Nalor ki ba thawhi ki don ruh ki ktien ba la don lypa ha ki kyntoit shnong bapher bapher ki ba kynsai, tangba ym da don ki ban pylleit jingmut ban kynthup ha ka ktien pdeng Khasi. Lada dei ban ñiewtang ki don byllai, hynrei hap ban adkar khnang ban ym pakhuh bad ka ktien pdeng ka ba la pdiang salonsar bad ban ym kulmar jingmut ki paidbah. Kumta la jied khnang tang ki ba kham ñiar bad ki ba ym lah ban ïoh na ka ktien pdeng ka ba dei ka ktien Sohra, ha ka ba la pdiang paidbah ha ka thoh ka tar Khasi. Ki don ruh ki ktien ba ju pyndonkam barabor ha ka ba la batai thymmai katkum ba dawa ka thoh ka tar.
Ang: ka mut ïeng ryntih marbud ryngkhi shilynter- Queue
Amrang: ka mut ba ohdor ba rem khlem salia- Obstinately greedy
Antor: ka mut ba byrta paidbah ban khring- Advertise, publicise
Arsap: ka mut ba bha na lor ha khmat ki briew bad sniew pat hapoh mynsiem- Hypocrite
Astor: ka mut ba khleh dewbilat ban sbur pushara rben ha ka sad ne kynroh ne madan- Masonry
Kumba la kdew hashwa ba kine baroh ki long shwa tang ki jingtyrwa ki ba ap khmihlynti ïa ka bishar bad tai sani na ki stad saiñktien bad thohjer thohnam Khasi jong ka jylla ki ban kubur lada dei ban pdiang ne kyntait, lane ban pynbha shuh shuh ban kham janai pura. Ka sorkar jylla ka dei ban buhti da ka shlem iktiar ba pura na ka bynta kane ka jingthmu, khnang ba kiei kiei baroh kin long ryntih. Katba ka shlem iktiar tyngkai rikynti jong ka sorkar jylla kam pat thung ïa ki kher ki mer ryngkat ki kynrem lyndan ki ba la palat liam ka jingtbit ha kane ka phang na ki salonsari lane na ki synjuk ha ka imlang sahlang, dei ban don ka lynti na ki ba trei monlade ban tynrong ïa kane ka bankhia; kynthup lang na ki paidbah. Kumta la kyrpad kyllum na ki paidbah ban synñiang lem da ka ba phah ha ka email: sainriti.2011@gmail.com lane Whats App 9436103992, kat ka ba kham sngewbit sngewbiang.
