Shillong, Rymphang 20 : Ki 13 ngut ki nongïalehkai Mixed Martial Arts ka jylla na ka kynhun jong ka Team Revolution ki la ïoh ban khur takma na ka rynsan ïakhun ba la pynlong da ka Rhino Martial Arts & Fitness Club Sivasagar ha ka 18 tarik mynta u Rymphang.
Ha kane ka kynti, ka Team Revolution ka la ïoh ban khur haduh 10 tylli ki takma ksiar bad lai tylli ki takma Rupa, napdeng ki shynrang kiba la ïoh ban khur takma ki long 11 ngut bad kynthei marwei.
Kiba la ïoh ban khur takma ksiar ki kynthup ïa u Kitbhahmi i Wann, u Fedrick khongsit, u Adarsh tamang, u Dharmo chakma, u Bryan Suting, u Jefferson Lyngdoh Kynshi, u Thomas Suchiang, u Synrop Wahlang, u Bantiplang Khongwir
bad ka Daniella I Wanda mylliemnngap.
Kiba la ïoh ban khur takma rupa ki kynthup ïa u Obadaia kelphung, u Durash Borgohain bad u ïarapbor Nongrum.
