Khliehriat, Naiwieng 21: Ka lympung ïalehkai jong ka kyrdan Super Division Football Tournament 2023 kaba la long mynta ka sngi ha madan Deinchynrum, EJHD bala pynïaid da ka East Jaiñtia Hills District Football Association (EJHDFA).
Haba phai sha ka jingïakhun kaba nyngkong ka Sutnga SSCC ka jop da 3-1 kol ïaka Dhana SC, ïa ka kol na ka Sutnga SSCC la thep da u Sumarbha Bareh haka minit ba 3 bad u Ioanis Suchen haka minit ba 32 & 74. Katba ïaka shikol na ka liang ka Dhana SC la thep da u Pyntip Dkhar haka minit ba 51.
Ha ka jingïakhun kaba ar ka Rymbai Iawpynsing SC kala pynliem da 2-1 kol ïaka Thangskai Tiger SC, ïa ka kol na ka R.Iawpynsing la thep da u Hesmiki Rymbai haka minit ba 27 & 36, naka liang ka Thangskai Tiger SC ïa ka shikol la thep da u Wendy Nongtdu haka minit ba 68.
Ka jingïakhun haka 24.11.2023 kan long hapdeng ka Moolamanoh SC pyrshah ïaka Sutnga SSCC bad ka Thangskai Tiger SC pyrshah ïaka R. Shkenshynriah SC.
