Jowai, Naiwieng 21: Ka jingïalehkai phutbol haka kyrdan Super Division Football Tournament 2023 bala ai kyrteng ‘U Kiang Nangbah Memorial Trophy 2023’ ïa kaba la pynïaid da ka West Jaiñtia District Sports Association, (WJDSA) Jowai mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun naka liang ka kynhun ïalehkai jong ka Sailung Ialong kala lah ban pynliem da 4-0 kol ïaka Khimusniang, ïa kitei ki kol naka Sailung Ialong la thep mar shikol da u Arwan Rymbai haka minit ba 15, u Masan War haka minit ba 24, u Saniroi Suchiang haka minit ba 40 bad u George Fredrick Lhuid haka minit ba 89. Katba na ka liang ka Khimusniang kala pyrshang ban kol hynrei kam ïoh lad satai ban thep wat tang shikol ruh tad haduh ba kut jong ka jingïakhun.
La pyntip ba ka jingïakhun mynta ka sngi 22.11.2023 kan long hapdeng ka Mukhla Raij SC pyrshah ïa ka Ladthadlaboh haka por 1 baje shiteng nohphai sngi.
