Mawkyrwat, Jylliew 03 : Ka Khasi Students’ Union (KSU) jong ka Ranikor Circle ka la pynhap pyrda noh ïa ka lympung ïalehkai phutbol ba la tip kum ka 3rd Wickliffe Syiem Memorial Football Tournament 2025 ba la pynlong ha madan Panchiring, South West Khasi Hills District.
Ki kynhun ki poi sa ka phainal ha kane ka 3rd Wickliffe Syiem Memorial Football Tournament 2025 ka dei hapdeng ka Ïawpaw Football Club bad ka Royal White Football Club. Haba phai ha ka jingïaleh, ka Royal White Football Club ka la pynliem noh da 3 – 0 kol pyrshah ïa ka Ïawpaw Football Club.
Namarkata, ïa ka nam lahduh ha kane ka 3rd Wickliffe Syiem Memorial Football Tournament 2025a rah da ka Royal White Football Club.
Related Posts
Lah ban kdew ba ki don haduh 16 tylli ki kynhun kiba wan ban ïashimbynta ha kane ka lympung ïalehkai kynjatbol.
Ha kane ka sngi la sakhi lang naduh u bah Samuel Jyrwa uba dei u Charman jong ka NASO kum u kongsan, ki nongïalam napoh ka KSU Central Body u bah Donal Thabah kum u symbud kongsan, u samla Shal Kharbani, In-charge jong ka KSU South West Khasi Hills District, ka Seng Kynthei Ranikor, Seng Kynthei Panchiring, ki Myntri Shnong lem bad kiwei kiwei de ki riew rangbah.
Ha kane ka sngi ka la don ruh ka jingpynkup burom ïa ki samla kiba la wan rah ïa ka nam bad ka burom ïa ka dong ka thaiñ ka Ranikor Civil Sub Division kumjuh jong ka district baroh kawei ha ki jingïalehkai bapher bapher.