Shillong, Jylliew 03 : Ka ophis u District Social Welfare Officer, East Khasi Hills District da ka jingïatrei lang bad ki bor distrik kumjuh bad ka District Sports Office, East Khai Hills District Athletics Association ka la pynlong ïa ka jingïakob mareh ba 5kilometer ne ka 5K Run ha kane ka sngi Baar ha ka distrik kum shibynta ban rakhe ïa ka sngi pyrshah ïa ki jingdih kiba sniew bad kiwei ki kam sniew, hapoh ka lama jong ka Nasha Mukt Bharat Abhiyaan.
Lyngba kane ka prokram ka long ban ai jingshai sha ki paidbah shaphang ka jingma kiba mih na ka jingdh ïa ki kynja jingdih kiba sniew kum u drok bad ruh ban wallam ïa ka rukom im kaba koit ba khiah bad kaba shait ba khlain khamtam eh hapdeng ki samla jong ka distrik.
Ha kane ka prokram la donlang ruh naduh ka District Social Welfare, Kong E Kharchandy kaba la ai ka jingbatai kaba bniah bud pat sa ka jingkren na ka Symbud Kongsan ba dei ka Deputy Commissioner in-charge, East Khasi Hills, PK Sangma.
Related Posts
Ha kane ka jingïakob ha ka liang ki kynthei, ïa ka kyrdan kaba nyngkong la ïoh da ka samla Monlangki Kyndait bud sa ka Mary Queen Pale bad ka Rukini RT Dkhar ha ka kyrdan kaba ar bad ba lai.
Ha ka liang ki kynthei pat ïa ka kyrdan kaba nyngkong la ïoh da u Knerlang Phawa bud sa u Marshal Wanniang bad u Rangki Jonathan Pathaw ha ka kyrdan kaba ar bad ba lai.
Na ka liang ka tnad ka la sam da ka khusnam pisa sha ki nongjop bad kumjuh ka jingai sngewbha ryngkat ki syrnod ïa kito ki 10 ngut ki nongshim bynta kiba wan hakhmat eh.