Shillong, Risaw 28 : Ka North Eastern Police Academy (NEPA) ka la ïoh ban khur ïaka khusnam jingithuh ba la tip kum ka ‘Utkirsht Accrdition da ka Cpacity Building Commission ïa kaba la pdiang da u Director ka NEPA, u Anurag Agarwal, IPS,
Lah ban kdew hangne ba katei ka khusnam jingithuh ‘Utkrisht’ kadei ka dak ka jingithuh ïa ka NEPA ha ka jingtreikam bha jong ka bad kane ka nam kan nem naduh ka 27tarik Risaw 2023 tad haduh u Risaw 26 jong u snem 2025.
Ka jingjied ban ïoh ïa katei ka khusnam kadei hadien ba la bishar bniah da ka kynhun ba kyrpang kaba la leh da ka National Accreditation Board of Education and Training (NABET).
Katkum ka kyrwoh na ka NEPA la ong ba katei ka jaka kadie kaba la pawnam ha ka jingai jinghikai ïa ki pulit hapoh ka jingpeit jong ka Ministry of Home Affairs ka sorkar pdeng ha kaba ki nongshah hikai kidei ki pulit na kylleng ki bynta jongka thain shatei lam mihngi jong ka ri bad wat na kiwei pat ki bynta jong ka Ri.
Nalor ka jinghikai pyntbit sha ki Deputy Superintendents of Police (DySP) bad Sub-Inspectors (SI) ba dang thymmai, na ka liang ka NEPA ka ai ruh ka jinghikai pyntbit ha kiwei kiwei ki bynta ruh.
