Shillong, Naiwieng, 13: Ki Pulit ka East Khasi Hills District ki la khot hajir mynta sa ïa u nongïalam ba hakhliehduh jong ka Federation of Khasi Jaiñtia & Garo People (FKJGP) u Bah Dundee Khongsit halor ka huri hura kaba mih na ka rally pyrshah ïa ka jingkyrduh kam kaba la pynlong ha ka 28 tarik u Risaw 2022.
Ki Pulit ki la register case ïa ki nongïalam ka FKJGP hapoh Sadar Police Station bad ha Laitumkhrah Police Station halor ka jingshah shoh ki paidbah nongleit nongwan bad ka jingshah pynjulor jong ki kali ha ki nongïaid rally ha surok Police Bazaar, Malki bad Dhankheti.
Ïa u President ka FKJGP u Bah Dundee Khongsit la khot hajir ha Sadar Police Station bad la pynngat ïa u ha kijuh ki case ba la pynngat ïa u General Secretary u Bah Eldie N. Lyngdoh bad ïa u Senior Vice President u Bah Elton Cliff Warjri, ïa u Bah Kitboklang Nongphlang bad ïa u Bah Khrawborlang Nongsiej.
Ïa u Bah Khongsit ki Pulit ki la phah wan hajir lashai ka Lah Sngi u BLei ha Sadar Police Station ha ka por 11:00 baje mynstep.
