Khliehriat, Jymmang 08: Ka East Jaiñtia Hills District Football Association (EJHDFA) ka khot ka wer ïa ki club kiba pyniasoh bad ka synjuk ban pynthymmai ïa ka jinglong dkhot (Renewal of Affiliation) na ka bynta u snem 2025-2026.
La ong ba ka bai pynthymmai (Renewal) ka long T. 1000, bad kiba pyniasoh thymmai ryngkat ki kot ki sla kiba biang ka long T. 10, 000.
Ka tarik ban pdiang ka long naduh ka 12.05.2025 haduh 17.05.2025 ha ïing treikam ka synjuk kaba don ha Diengshynrum naduh ka por 10.00 baje mynstep haduh 3.00 baje nohphai sngi.
Ha kaba ïadei bad ki kam ba dang sahteng kum ki jingsiew jingtda kin hap siew dep noh ha kitei hi ki sngi.
Ka East Jaiñtia Hills District Football Association (EJHDFA) kala pyntip ba ka 3rd Division bad 2nd Division kan sdang noh ha u bnai Jylliew bad Nailar 2025 bad ïa ka tarik yn pynbna hadien.
