Khot aplikeshon u DC ka EJH na ka bynta ki skhim ha NEC bad Higher Education Deptt.

Khliehriat, Risaw, 18: U Deputy Commissioner ka East Jaiñtia Hills District, u pynbna paidbah ba yn khot bad pdiang thymmai biang ïa ki applications na ka bynta kito kiba dei ki nongshong shnong ba pura jong ka jylla Meghalaya, kito ki khynnah pule kiba pule hapoh ka jylla lane kiba pule shabar ka jylla na ka bynta ka scholarshapi North Eastern Council Merit Scholarship kaba na ka bynta ua snem 2023-24.
Kane ka scholarship ka long na ka bynta kito kiba dang pule ïa ka Diploma, Degree, Post-Graduate lane kiba registered ïa ka M.Phil/Ph. D.
Ki samla pule kiba apply ki dei ban don ïa ka PRC kaba ioh na u Deputy Commissiner dei ruh ban don kiwei kiwei ki kot ki sla ba donkam kiba katkum ka Guideline ha shwa ban applai online.
Na ka bynta kito kiba dang aplai thymmai ki dei ban pynpoi ïa ki application da kaba leh online lyngba ka website www.scho-larships.gov.in bad na ka bynta kito kiba pynthymmai ïa ka application pat kiba applai ïa kane ka Merit Scholarship ki dei ban download bad pyndonkam ïa ka link https://megedu-cation.gov.in/dhte/pages/scholarship_forms.html Ha kajuh ka por la khot application na ka bynta ki khynnah pule kiba dei ki nong shnong shnong ba pura jong ka jylla Meghalaya na ka bynta u snem 2023-24 ba kin apply ïa ka Central Sector Scheme of Scholarship for College and University Students, ïa kane ruh yn pdiang tymmai bad ruh na ka bynta kito kiba la apply teng ki lah ban pynthymmai (fresh and renewal) kane ka dei ka khusnam ne awarded kaba wan na ka tnat Ministry of Education, Department of Higher Education, Government of India, ïa ki Application form lah ban pynpoi da kaba leh online, National Scholarship Portal (NSP), lyngba ka website www.scholarships.gov.in
Ka tarik ba khatduh ban pynpoi ïa ki application na ka bynta kitei ki scholarship ka dei ha ka 31 tarik u nohprah 2023 bad na ka bynta ki jingtip ba kham bniah lah ban ioh na ka website www.scho-larships.gov.in