Mawkyrwat, Risaw, 18: Ka ophis jong ka Project Director ATMA, South West Khasi Hills District ka la pynlong ïa ka Farmer Scientist Interaction ha Ranikor Civil Sub Division kaba dei jong ka Ranikor C&RD Block.
Ïa kane ka prokram la pynlong halor ka phang ka rukom rep ïa u Large Cardamom (Elaichi) bad ka Resource Person ka dei ka kong Risuklin Mylliem Umlong na ka Spices Board of India, Field Office Shillong. Ha kane ka program la ïashimbynta da 25 ngut ki nongrep kiba hap hapoh ka Ranikor C&RD Block.
Namarkata, kum ka ophis ka don ka jingthrang ba ki nongrep jong ka thaiñ Ranikor kin pyrshang ban rep ïa Large Cardamom (Elaichi) u jingthung uba dei uwei na ki masala uba lah dor bad ba ka jingrep jong u ka dang duna bha ha ka jylla Meghalaya.
Da ka jingwan ïashimbynta lang jong ki nongrep, kane ka program ka la long kaba jop ha kaba ki nongrep ki lah ïoh ban sngap ïa ka jinghikai halor ka rukom ban rep bad ban pynïaid ïew ïa u Large Cardamom (Elaichi).
