Nongstoiñ, Lber, 14: U Deputy Commissioner, jong ka West Khasi Hills District, u la pyntip paitbah ba u Akshay Sati Colonel Director Recruiting, u khot online application ïa ki samla shynrang ki bym pat shong kurim kane ka thaiñ, ban ïoh rung kum ki Agniveer na ka bynta u snem 2023-24 kaba dei ka Scheme Agnipath. Ka online application ka la sdang naduh ka 16 tarik u Rymphang bad kan kut ha ka 15 mynta u bnai Lber, 2023.
Kumta kino kino ki samla kiba thrang ban ïoh rung ha kane ka kam shipai ki lah ban aplai noh kloi lyngba ka website www.joinindianarmy.nic.in bad na ka bynta ki jingtip ba kham bniah, lah ban leit wad jingtip na ka ophis jong u Deputy Commissioner, Nongstoiñ.
