Nongpoh, Naitung 26: Uwei u rangbah briew uba la don kumba 40 snem ei ei ka rta mynta ka sngi u la duh noh ïa la ka jingim, kaba dei hadien ba u la shah bat kynsan haka bording ilektrik kaba dei na ka jingdkut jong u sainar bording ilektrik ha ka ka surok ban leit na Umden sha ka shnong Umshaken ha Ri- Bhoi u District.
Kane ka jingjia ka la jia mynta ka sngi ha ka por kumba 2 baje ei ei noh phai sngi, ha kaba ka don ka jingther u lapbah bad uwei u sainar ilektrik u la dkut noh ha surok bad utei u rangbah uba wan da ka thuk thuk u la tyngkhuh ïa utei u sainar khem da iohi bad u la shah bat syndon ha ka bording ilektrik haduh ba u la duh syndon ïa la ka jingim.
Kumba la ioh lum jingtip, la ong ba ha kane ka jingjia, ka met utei u rangbah ka la ingkhong khaid bad u la kyllon syndon ha madan na ka daw ka jingtrei borbah ka bordig ilektrik haduh ba u la duh syndon ïa la ka jingim.
U ne u rangbah uba la ngat ha katei ka apot shah bat ha ka bording ilektrik la tip kyteng kum u Bah Nevershon Nongkseh ha ka rta kaba 40 snem ei ei.
Haba wad jingtip na u heh Pulit ka Ri Bhoi, u Giri Prasad, u la ong ba ka la don shisha kane ka jingjia kaba u rangbah u la shah bat ha ka bording ilektrik bad na ka liang ki bor pulit ki la phah ïa ki bor pulit ban leit tohkit halor kane ka jingjia bad ïa ka met jong utei u rangbah la rah noh sha Civil Hospital Nongpoh ban leh katkum ki kyndon jong ka aiñ.
