Jowai, Nailur 18: Kawei ka trok 12 taïar kaba don ïa u number AS-01-FC 8513, kaba kit Clinker kaba thmu ban leit sha ka liang ka surok Shillong kala rat ïa kawei ka dukan shna tyre (Reapair) bad noh syndon sha poh riat kaba jylliew kumba 50 metrer ei ei shapoh, haka jaka ba tip kum ka Wahgate ha u surok Jowai-Shillong hajan ka Challam Syngkon Petrol Pump.
Kane ka jingjia kala jia ha ka por 12 baje shiteng synñia, ha kaba ka na ka liang ki pulit ki la leit jngoh ïa katei ka trok hynrei kim shym la lap briew satia na katei ka trok namar kala pra hi phom haki bynta ba shakhmat jong ka.
Da ka jingtrei shitom ki pulit bad ka jingïarap ki Fire & Emergency Services (SRT) Shillong da kaba pyndonkam haduh 4 tylli ki trok khwai, kumta ha ka por nohphai la ïoh ban sei ïa ka met u nongñiah kane ka trok ïa uba la tip kyrteng kum u Khrawkupar Phawa u ba na ka shnong Sohmynting West Jaiñtia Hills Distirct.
Na ka liang ki nongshong die ba para marjan ha katei ka jaka ki la ïathuh ba ha katei ka dukan shna taïar, ba juh sah uwei u breiw ne u nongshna tyre hynrei ha kane ka miet ba jia um don satia namar u leit sah sha ïing ki paralok.
Shuh shuh kila pynpaw ka jingsngew kyndit haka por ba katei ka trok 12 shaka kaba la syllad ïa katei ka dukan shna taïar kaba sawa jur bha haduh ba katei ka trok kaba noh synnoh shapoh katei ka riat ba jylliew.
