Shillong, K’ Lyngkot 09: Ka ophis Additional Director of Health Services, Civil Hospital, Shillong ka la pyntip ba ka don kawei ka metïap jong u riew rangbah uba dei u bar jylla uba kyrteng u Shibu Prasad ba la 75 snem ka rta, ha kaba ym lah satia ban tip ïa ka niam, hynrei u ba u shong ba sah ha Homeless, Municipal Quarter, Shillong u la wan thiah pang hapoh ka Geriatric Ward, Bed No. 1 ha ka 21.12.2024 ha ka por 9:24 mynmiet.
Une u nongpang u la khlad noh ha ka 22.12.2024 ha ka por 7:40 baje mynstep, kumta na ka liang ka ophis ka la kyntu ïa baroh kiba haïing hasem, kiba ithuh ithaw ïa u bad kiwei kiwei ba kin wan ban shim noh ïa ka met jong u napoh ka jaka buh metïap jong ka hospital hapoh ka 3 sngi naduh ba la pynmih ïa kane ka jingpynbna paidbah bad lada ym lah ban wanshim kloi ïa kane ka metïap na ka liang ka jaka sumar kan phah bret noh ha ki nongtrei jong ka Shillong Municipal Board.
