Nongpoh, Nailur 05: Uwei u runar bala kynnoh nongtuh bala tied bad bom jem ruh da ki paidbhur ha MIDC Umiam u la khlad noh hynnin ka janmiet ha Civil Hospital Shillong namar ka jingjur palat ka jingmynsaw.
Kum ban shu kdew hangne ba utei u run ba la tip kyrteng kum u Bartan Marak ba 37 snem ka rta, uba dei ruh u nongshongshnong ka Garogaon, Rawta, Sub-Division Udalguri, Assam, ula leit rung tuh ha ka Iingsah jong kawei ka longkmie bala tip kyrteng kum ka Kong Moureen Kharnaior ha MIDC, Umiam ryngkat ki riam shipai bad ula pynap ruh da ka pistol bad byrngem siat ïaka hynrei hadien ba utei u nongtuh u la pyrshang ban phet krad na katei ka jaka u la kynthih na kawei ka kynroh haduh ba un da kdiah ka kjat bad khlem lah shuh ban phet ha kaba ki paidbah kila ïohkem ïa une u briew bad kila bomshnong haduh ba un da jem jai bd mynsaw jur ha kaba la pynkit noh ïa u sha Civil Hospital Shillong ban ïoh ka jingsumar.
Hynrei naka liang ki bor pulit kila pyntip ba utei u runar u la khlad noh hynnin ka janmiet ha Civil Hospital Shillong bad ki pulit kila register case bad ruh ban pynlong ka jingtohkit halor katei ka jingjia khamtam la katei ka jingshah bom jong u ka dei ba ki briew ki ïada ïalade (Self Defence) na kadei kawei pat ka jingthmu kumba la lap ruh ïaka pistol siat sim naka met jong u.
