Nongpoh, Lber 15: Uwei u nongniah thuk thuk Pulsar, ula khlad hashen bad ka paralok ka la mynsaw jur, na ka jingleit tynrah hi ïa ka jingker jong ka surok bah ha ka shnong Shangbangla, Ri-Bhoi District.
Kane ka jingjia kala jia mynta ka janmiet por 4 baje eiei, ong ki Pulit kiba ïathuh ba kane ka thuk thuk ba don u nombor AS15-K-2231, ka dei kaba dang hiar sha ka thaiñ Guwahati.
La ïathuh ba une u nongniah uba iap u kyrteng u Rasid Ali ba 18 snem bad uba mynsaw u kyrteng ka Subham Das ba 14 snem. Kine baroh arngut ki dei kiba shong ba sah ha Harlibagan, Byrnihat
Haba ïoh jingtip ïa kane jingjia, ki Pulit kila hiar mar mar sha katei ka jaka ban tohkit bad ïa ka metiap la pynkit noh sha Civil Hospital, Nongpoh ban pyndep ïa ka post mortem.
