Mawkyrwat, Lber 15: Ki ar tylli ki trok ki la ing khong hadien ba ki briew bym lah ithuh ki la wiang ding dusmon katba ki dang ïeng ha lynti Photkylla – Ranikor hajan ka shnong Umsih, South West Khasi Hills District.
Ha ka tyllong khubor ba la ïoh lum, la ong ba kane ka jingjia ka la jia ha ka miet jong ka 13 tarik u bnai Lber, 2024 katba ki ar tylli ki trok kit piat kiba don ïa u Registration No: AS010 C 2203 bad AS17 C 1086 ki dang ïeng harud lynti Photkylla – Ranikor.
“Kane ka jingjia ka lah ban dei ha ki por miet”, ong ka tyllong khubor na ki paidbah katei ka thaiñ bad ha kane ka jingjia ym don mano mano ba mynsaw.
