Shillong, Nohprah 22 : U Sub Divisional Magistrate ka Sohra Civil Sub Division ula pynjari ïa ka kyndon 144 CrPC ba khang pyrshah ïaki kali ba kit palat 9 Metric Tonne (MT) ban ïaid na surok Mawmluh-Mawlong lyngba ka Mawshamok.
Ka hukum ka kdew ba ïa kane la pynmih namar la shem ba ka bynta jong ka surok Mawshamok kala sniew namar ka jingïaid ki Trok bad ki kali ba kit palat pud.
La pyntip ba la pynjari ïa ka kyndon 144 CrPC ban ïada ïa kane ka surok na ka jingnang jot bad sniew.
Ka hukum ka kdew ba kane ka hukum kan treikam naduh ka 23 tarik mynta u bnai tad haduh ban da pynbna da kumwei pat bad kino kino kiba pynkhien ïaka hukum kin shah pyn shitom katkum kyndon jong ka IPC.
