Ym treh rakhe Khristmas ki Khristan ha Imphal bym don shuh ki Ïingmane

By Mawphor News Desk On Dec 23, 2023

Indian army soldiers inspect the debris of a ransacked church that was set on fire by a mob in the ethnic violence hit area of Heiroklian village in Senapati district, in India's Manipur state on May 8, 2023. - Around 23,000 people have fled the unrest which erupted last week in the hilly northeast state bordering Myanmar. The latest clashes erupted between the majority Meitei people, who are mostly Hindu, living in and around the Manipur capital Imphal and the mainly Christian Kuki tribe of the hills. (Photo by Arun SANKAR / AFP)

Imphal, Nohprah 22: Ki paid Khristan kiba shong ba sah ha Nongbah Imphal, ki la kyntait ban rakhe ïa ka Khristmas mynta ka snem.
Ka daw ba ki la ai halor kane ka jingbym treh ban rakhe ïa kane ka sngi ba kyrpang ki Khristan, ki la ong namar ba ym don shuh ki Ïingmane ba kin pynlong ka jingrakhe.
” Kumno ngin pynlong ka jingrakhe ïa ka Khristmas haba ngim don shuh ki Ïingmane wat ban pynlong Jingïaseng ruh”, la ong ki paid Khristan ha Imphal kidei na ki jaidbynriew Meitei.
Kumba 99 percent ki Ïingmane jong ki Khristan ha nongbah Imphal ki la shah thang ne shah pynjot ha por ba mih ka jingïakulmar lane ka thma pohïing hapdeng ki Meitei bad ki Kuki kaba la jia naduh ka 3 tarik u bnai Jymmang mynta ka snem.
Kawei ka Longkmie kaba ju die jaiñ lilam harud surok ka la ïathuh ba ka ju lah die bha ïa ki jaiñ haba la wan ka Khristmas, hynrei mynta kam long satia kumta naduh ba la mih kane ka thma ïapher jaidbynriew ha ka nongbah bad ka Jylla hi baroh kawei.
U Pastor jong kawei ka Balang, u la ïathuh ba ka Balang jong u kan shu rakhe da ka jingrakhe kaba rit ha ki ïing ki sem bad khyndiat eh ha Ïingmane.
” Ka jingrakhe mynta ka snem kan nym long shuh kumba ju rakhe man la ka snem namar ka jingbym don ka jingshong suk shong saiñ ha ka jylla”, la ong u Pastor.
Kiba bun ki paid Khristan ki la pynpaw ka jingkyrmen ba da ka jingwan ka Khristmas kan wanrah ka jingsuk ka jingkmen ha ka jylla jong ki.
” U Jisu Khrist Udei U Syiem ka jingsuk bad ka jingwan long briew jong u ka wanrah ka jingkyrmen. Ngi ngeit ba ka jingsuk ka jingkyrmen kan wan phai ha ka jylla jong ngi”, la ong kiba bun ki paid Khristan ha ka nongbah jong ka Manipur ha kaba la sdang ka jingïaumsnam bad jur eh ruh ka jingïakulmar bad ka jingïaïap briew.