Shillong, Jymmang 06: Ka ophis jong u Chief Executive Officer, Shillong Municipal Board la pyntip ba ka jingdie bad pyndonkam ïa ki plastic kiba duna ïa ka 120 micron, ba kynthup ïa ki earbud ne ki jingpynkhuid shkor kiba don bad ki dieng plastic, ki plastic stick na ka bynta ki balloon, plastic flags, candy sticks, ice-cream sticks, polystyrene (Thermocol) na ka bynta ban leh ïa ki kam decoration, plates, cup, glasses, cutlery kum ki fork, spoon, knives, straws, trays, wrappings, bad packing films ha ki synduk buh mit mit, ki invitation card, cigarette packet, bad plastic or PVC banner kiba duna ïa ka 100 micron la dep ban khang pyrshah.
Ha kaba ïadei bad kane na ka liang jong u Chief Executive Officer, Shillong Municipal Board u la bthah ïa baroh ki dukan kiba don ha nongbah Shillong kiba don ha Shillong Municipality ba kin sangeh ïa ka jingpyndonkam, ban die ïa kitei ki tiar kiba la kdew haneng.
La ong ba kan don ka jingpeit ngor bha haba ïadei bad kane ka kam khamtam ba ki dukan kim dei ban pyndonkam ïa kine ki tiar kiba la shah khang bad ba ki dei ban weng noh mardor ïa ka jingdie ïa kine ki tiar.
