Jowai Jymmang 06: Ka Hynñiewtrep Integrated Territorial Organization (HITO) Laskeiñ Block Circle mynta ka sngi 6 tarik u Jymmang hapoh ka jingïalam u President samla Khiejoit Niang lem bad ki dkhot ka seng ki la leit ban ïa kynduh ïa i Deputy Commissioner (Supply) West Jaiñtia Hills namar ka jingslem palat ban ïoh ïa ki Card Ration hapoh katei ka thaiñ.
Ka seng ka la ïoh ka jingujor ïa kane na ki nongshong shnong hapoh jong ka Laskeiñ Block Circle, namar da ki phew snem bala dep ban pyndap ïa ka Ration Card, hynrei haduh mynta kim pat ïoh satia ïa ka Card Ration.
Kine ki nongapply Card Ration kiba don da ki phew hajar tylli ki ïing ka la buh pynban ïa ki ha ka jinglyngngoh, da kaba pynsngew wat ïa kito kiba la don ïa u Number Census ïing ruh kim pat ïoh Card Ration, wat ïa u Adhar ki la dep ban pynïasoh hynrei ïa ka Card Ration haduh mynta kam pat trei kam.
U President ka seng ula buh ka jingkyrpad jur naduh Deputy Commissioner Supply bad ïa u Minister ba dei peit ïa kane ka kam ba kin sngewbha ai shwa ïa kito bala dep apply daki phew snem kiba ym pat ïoh Card Ration haduh mynta.
Ka seng ka la buh jingkylli kumno u Minister u phah aplai thymmai ïa ki nongshong shnong haba tang ïa kito bala dep aplai kim pat ïoh.
