Nongpoh, Nailur 19: Na ka daw ka jingkynrei kiba pyndonkam ïa ki plastic ba la buh jingma ïa ka mei mariang bad ruh ba la pynjaboh ïa ka marinag, u Deputy Commissioner ka Ri Bhoi u la pyntip ba ka Meghalaya State Pollution Control Board ka la khang pyrshah ban shna, ban wan rah plastic na shabar, ban pyndonkam bad ban die ïa ki plastic lada kim lah ban bud katkum ka jingrben ba la buh da ka sorkar.
Katkum ka kyrwoh ba la phah da u deputy Commissioner ka Ri Bhoi, la ong ba katkum ka Rules 4(1) jong ka PWM (Amendment) Rules, 2022 la shah ban pyndonkam ïa ki plastic lane ki plastic kiba lah ban pyndonkam baing kim dei ban duna ka jingrben na ka 120 micron ba la dep ban pyntreikam naduh ka ka 31 tarik u Nohprah 2022.
