Khliehriat naitung 20 : Ki pulit jong ka East Jaiñtia Hills District mynta ka sngi ki la kem noh sa uwei pat u briew uba suba donkti ha kaba pyniap dusmon ïa ki saw ngut ki briew bad ïa ki met iap la lap myn ha ka 06 traik mynta u bnai na ka shnong Umpleng East Jaiñtia Hills District.
Hadien ba la lap ïa kitei ki saw tylli ki met iap, ki pulit ki la pynlong ka jingwad bniah bad ha ka 11 tarik ki la kem uwei u briew uba la suba don kti bad tang hadien katto katne sngi ki la kem noh sa ar ngut bad mynta ka sngi ka 20 tarik, Naitung ki pulit ki la kem noh sa uwei.
Kat haduh mynta ki pulit ki la ioh ban kem haduh saw ngut ki briew kiba la suba don kti ha kaba ïa ki kyrteng jong ki saw ngut ba la kem, ki pulit ki dang buhrieh namar ba ki dang pynlong ïa ka jingtohkit ban lap ïa kiwei pat kiba suba donkti lang ha katei ka kam.
Kumban shu kdew hangne, ki saw ngut kiba la shah pyniap dusmon ki dei kiba la tip kyrteng kum u Ravi Rai, 23 snem kyrta, uba na ka shnong Elam, Mechipradesh, Nepal, uwei pat u (L) Nazar Kyndait, 33 snem na Dkhiah East, East Jaintia Hills District bad u (L) Rajesh Rai, 26 snem kyrta uba na Dharan Sunsari, Koshi Anchal, Nepal bad u (L) Lobe Tamang, uba na Moolait Bri-Sutnga Camps. Ia ki metiapjong kine baroh la dep ban aiti noh sha ki bahaiing ha sem.
