Shillong, Lber 24 : Ki Pulit ka East Khasi Hills, ki la ïoh kem ïa uwei u Bahkong(transgender) halor ka jingsuba donkti ha ka jingdung da ka tari ïa u samla Zecharaiah Sohthiang 24 snem ka rta ha ka miet 18 tarik Lber, ha Khyndailad Police Bazaar.
Kat kum ka jingïathuh u Superintendent of Police ka East Khasi Hills Bah S Nongtnger, ki Pulit kila kem ïa une u Bahkong hynnin ka 23 tarik Lber na Khyndai Lad, Plice Bazar bad ki la ïoh ruh ban kurup ïa u khulom tari ba la pyndonkam ha kaba dung ïa une u samla.
Lah ban kdew ba kane ka jingshah dung u Zecharaiah Sohthiang da ka tari ha Khyndailad, ka la poi ruh sha ka jingïatai haduh ka ïingdorbar Thaw Aiñ ka Jylla.
Ki Pulit kiba la register case ïa kane ka jingjia ha Sadar Police Station kat kum ka kyndon 326/307 /34 IPC, ki la pynlong ïa ka jingtohkit kaba bniah bha bad hynnin ka sngi ki la lapksai ïa ka jingdonkti une u Bahkong bad ki la kem noh ïa u.Ka jingtohkit ïa u mynta ka dang ïaid shakhmat.
