Shillong, Risaw 25: Ki pulit jong ka East Khasi Hills District ha ka miet sngi ba ar ki kila ïoh ban kem ar ngut ki briew bad kurup ïa u drok ba shongdor haduh 20 lak tyngka bad la ïoh ban bat ruh kawei ka kali.
Ki pulit jong ka jylla ki la trei shitom haduh katta katta ban pynthikna ba ki nongkhaïi drok kim dei ban ïoh lad ban pynïaid ïew ïa kine ki jingdih pynbuaid kane ka jingïoh kem ka kren shai ba ki pulit ka jylla Meghalaya ki long kiba peitngor ban ïa khun pyrshah ïa ki nong leh kam sniew.
Ha ka sngi Ba Ar ki pulit jong ka Ri Bhoi kiba la ap ktem ha Byrnihat ha dien ba kila ïoh ïa ka jingtip ki la ïoh ban kurup u drok heroin ba shongdor haduh T.45 lak tyngka bad la kem u wei na ki nongkhaïi drok ba na sha bar ka jylla Meghalaya.
Na u tei u nongkhaïi drok ba na shabar ka jylla Meghalaya ki pulit ki la ïoh ban kurup haduh hynriew tylli ki mobile phone, ki pulit kila kem ïa u bad ka jingthohkit ka dang ïaid, na ka liang jong ki pulit ki long kiba la khreh ban ïa khun pyrshah ïa ki nongkhaïi drok ban ym ïoh rung sha Meghalaya.
