Shillong, Lber, 26: Ka jingthwet ïa ki briew kiba donkti ban shongkha ïa ki khynnah rit ka dang ïai bteng hapoh ka Jylla Assam hadien ba ki Pulit ki la kem ïa uwei u briew uba la tip kyrteng kum u Aminul Islam na Tura, Meghalaya ha ka 25 tarik mynta u bnai halor ka jingshongkha ïa kawei ka samla lud kaba dang 15 snem ka rta.
U Islam uba la shah kem ha ki Pulit u dei uba la phet rieh sha Tura ban lait na ka jingthwet ha ka Sorkar Assam ïa ki shynrang kiba donkti ban shongkha ïa ki khynnah rit, ïa kiba donkti ha kaba pynshongkha ïa ki khynnah, hadien ba ki Pulit ka Assam ki la ïoh jingtip shaphang ka shong ka sah jong u.
Katkum ka khubor, u Aminul Islam uba sah ha ka shnong Kanaihmara, Hatsingimari u la shongkha ïa kawei ka samla lud kaba dang 15snem ka rta na kajuh ka shnong
Ha kajuh ka por, ki Pulit ka Assam ha South Salmara-Mankachar ki la ïohkem sa arngut kiwei pat ha ka 25 tarik mynta u bnai halor ka jingkynnoh ban shongkha ïa ki khynnah rit.
