Shillong, Lber 18 : Ha ka Sngi Thohdieng ki pulit jong ka nongbah Shillong mar ïa ïoh ïa ka jingtip ba ki don ki briew kiba suba khaïi drok kiba don ha Lachumiere ki la khang kdong ïa katei ka jaka bad ki la ïoh ban kem 6 ngut ki briew bad kurup lai tylli ki thuk thuk.
Na kine ki briew ki pulit ki la ïoh ban kurup ïa u drok Heroin ba shongdor haduh T.40 lak tyngka, na kitei ki hynriew ngut la ïoh ka pisa T.1.26 lak tyngka, la ïoh ban kurup lai tylli ki thuk thuk bad 6 tylli ki phone na kitei ki briew.
Na ka liang jong ki pulit ka jylla Meghalaya ki la pynkhlaiñ shuh shuh ïa ka jingtrei kam ban ïa khun pyrshah ïa ki nongkhaïi dork bad na ka liang jong ki pulit ki khot ki wer ïa ki khun samla ban kiar na ka kum kine ki jingdih ba sniew.
La khot la wer ïa ki paidbah nongshong shnong ban ïatreilang ban ïakhun pyrshah ïa kane ka jingsniew kaba la ktah ïa ka imlang samlang ïa ki ïing ki sem jong kiba bun ha kane ka jylla Meghalaya.
