Bei pisa ka Federal Bank ban shna ar tylli ki Maternity Labour Room ha Wahkaji, Zikzak PHC
Shillong, Lber, 18: Ka Federal Bank, Shillong ha ka sngi Palei ka la bei jingïarap pisa sha ka National Health Mission (NHM), Sorkar Jylla na ka bynta ban shna ïa ki ar tylli ki Maternity Labour Room, kawei ha Wahkaji PHC, kaba hap hapoh ka South West Khasi Hills District bad kawei pat ha Zikzak PHC, South West Garo Hills District.
Ïa kane ka bhah jingïarap ka Federal Bank ka la aiti lyngba ka CSR Programme kaba long kum shi bynta ban kyntiew ïa ki lad ai jingsumar ha ka koit ka khiah ha ka jylla Meghalaya.
Ïa ka jingïarap la aiti da u Noyal Baby, AEVP & Branch Head jong ka Federal Bank, Shillong sha u SIAS Mission Director ka NHM u Ram Kumar.