Julor da ki phew tylli ki ïing ha Mooshrot, West Jaiñtia Hills ba lyngshop jur u phria

Jowai, Lber 17: Ka jingwan lynshop u phria mynta ka sngi saitjaiñ ha ka shnong Mooshrot West Jaiñtia Hills District bad kiwei de ki shnong ba marjan kala wanrah ka jingshah pynjulor da ki phew tylli ki ïing briew ha katei ka shnong Mooshrot bad ki jingthung jingtep.
Katkum ka khubor ba la ïohlum la ïathuh mynta ka sngi kane ka jingwan lynshop u Phria kala jia ha ka por kumba shi baje ei ei, kane ka jingshah lyngshop kala wan rah ka jingdunnong kaba khraw ha katei ka shnong.
Halor kane na ka liang u General Secretary ka shnong Mooshroot u ma R. Lamare, ula ong hadien ba la dep ban lum jingkheiñ ïa baroh ki ïing briew kiba shah ktah kila poi haduh kumba 60 tylli ki longïing bad kiba don ruh ki mar rep ki lah shah pynjulor ha kane ka jingwanhap u phria.
Halor kane ka jingjia ula pynsngew na ka liang ka shnong kala kyrpad jur ïa ki bor ba dei khmih lyngba ka Office jong u Block Development Officer (BDO) C&RD Laskeiñ Block, ba kin sngewbha ban wan ai jingïarap mardor sha kitei ki long ïing kiba shah ktah ha kane ka jingshah lyngshop mariang namar kane jingduh nong kala ktah jur ïa ki kum ki nongshong shnong.
Mynta ka sngi wat ki surok ban poi sha katei ka shnong kala buh jingeh ïa ki kali ban ïaid namar ka jingdap jong u Phria ha shi lynter jong ka surok.