Katba dang shong bishar ka HC ïa ka jingpynlip bording lip kynsan ka bording ha ïingkashari

By Mawphor News Desk On May 6, 2023

Shillong, Jymmang 05: Ka High Court (HC) of Meghalaya ha ka sngi Thohdieng katba ka dang shim bsihar ïa ka PIL halor ka jingpynlip bording ha ka jylla hynrei kaba thamula ka long ba katba dang shim bishar ïa kane ka mokotduma jinglip bording ka bording ha ïing Kashari ruh ka lip kynsan jlang.
Haba ka kashari jong ki arngut ki nongbishar ba kynthup ïa u Chief Justice (CJ) u Justice Sanjib Banarjee bad u Justice W Diengdoh ka shim bishar ïa ka PIL ba la ujor da u Flamig B Marak pyrshah ïa ka sorkar jylla, ka kashari jong ki arngut ki nongbishar ka la hukum ïa ka sorkar jyllla bad ka Meghalaya Energy Corporation Limited (MeECL) ba kin file la ki jong ki jong ki affidavit halor ka jingpynlip bording da ki bun kynta.
“Ka sorkar jylla bad ka MeECL kin aiti ïa ka affidavit jong ki ban kdew ïa ka jingdonkam bording bad ki lynti kiba kan shim lada don kano kano ka jingthut ki jong ki projek pynmih bording ba ai sha ka jylla bad ki lynti kiba kan shim lada jia kum kata ka khep,” ong ka hukum.
“Ha ka affidavit dei ban kdew ruh ïa ki lad ba ka sorkar ka shim ban pynpoi bording sha ki jingdonkam bym lah kiar kum sha ki hospital, ki liengsuiñ….,” ka la bynrap shuh ka hukum.
Ka kashari kala kdew ruh ba ka bording ha kane ka juk kaba mynta kam dei shuh ka mar ba pyndonkam da ki katto katne hynrei ka jingdonkam jong baroh ki paidbah bad na kata ka daw ka dei ka kamram jong ka sorkar jylla ban pynthikna ba ka ka jingpynmih bording bad ka jingdawa bording ka dei ban ïaid ryngkat ryngkat bad ka dei ruh ban don lupa ki lynti ban pyndap bording ïa ka jingdawa kaban kiew ha ki por ban dang wan.
Ka kasahri ka la kdew ruh ba ki don ki lad ïa ka sorkar ban thied bording ban pyndap ïa ka jingdonkam bording ka jylla na ki kompeni pynmih bording ha ka thaiñ lam mihngi ka ri.
Na ka liang u Chairman ka Meghalaya Energy Corporation Limited u la pyntip ba ka jingdonkam bording ka jylla ka poi kumba 200 million unit ha ka shibnai katba ka jinglah ban ïoh boding pat ka dei tang 88 unit.
Shuh shuh u la pyntip ba ba ka jingduna bording kaba jur ka dei na kadaw ba ka Power Plant ha Tripura kaba ju ai bording sha ka jylla ka khang khyrdep kynsan na ka daw ka jinghap maramot ïa ka jingthut jong ka.
Ka Kashari kan sa shim bishar biang ïa kane ha ka 30 tarik Jymmang pyntip u CJ.