Shillong, Jymmang 08: U Myntri Rangbah ka Jylla Conrad K Sangma ha ka sngi Nyngkong u la kam ba ka jingïakren ïasuk hapdeng ka sorkar jylla, ka sorkar pdeng bad ka Hynñiewtrep National Liberation Council (HNLC) ka long kaba ïaid beit bad shen ba yn sa ïohi ïa ki soh ban mih na kane ka jingïakren.
Haba kren sha ki lad pathai khubor, u Conrad u la ong, “kam dei ka kam kaba suk namar ki don bun ki jnit ki jnat kiba ngi hap ban bishar bad kumba ngi ïakren bad phi mynta ruh ka jingïakren ka dang ïaid sha khmat bad nga ud ban ong ba ka ïaid ha ka lynti kaba dei,” u la ong.
U la ong ba namar ka jingïakren kumba long mynta ka dang dei hapdeng ka sorkar bad ka HNLC ‘ym pat lah ban ïathuh paidbah ïa kiei ki mat ba ngi la ïakren,’ u la ong.
