Shillong, Lber, 09: Ka Courtyard by Marriott Shillong ka kmen shikatdei ban pynbna ka jingplie ïa ka Tavern Club, ka lounge bar ba thymmai tam jong ka hotel. Kane ka don hapdeng ka maraing ba itynnat, baphyrnai jong ka nongbah, bad la pynkhreh ban tyrwa ha ki nongwan ki jait-jingbam bakyrpang kiba na kane ka thaiñ bad kiba na kylleng sawdong ka pyrthei ruh, kumjuh ki jingdih ba khleh kyrpang hangto hi da u nongkhleh jingdih uba tbit.
Kane ka ‘bar’ kaba style bad ba ïahap bad ka juk mynta, ka don ha ka level 1 jong ka hotel, hajan ka pung jngi, ka tyrwa ka mariang ba ithiang jong ka sor ban phin peitkai. Ka Tavern Club ka long ka jaka ba biang tam na ka bynta ki nongkhawai ban leit leh sngewbha, ban shad halor ki sur jingrwai ba sngewbang katba ki dang bam ki jingbam babang-bathiang, ki dang dih ki jingdih ba la khleh da ki jingthung, ki waiñ bad kiwei ki jingdih ba khleh kyrpang. Ka loungebar ka kluar ban seng-thymmai ïa ka jingshongshit ha ka imlang ka sahlang jong ka sor da ki jingdih ba la khleh kyrpang lang ki jait-waiñ ba bun jait. Kane ka tyrwa 50-70 tylli ki jaka shong ha ki jaka bam hapoh bad habar. Ki nongwan ki lah leit shongkai ha ka jaka ba shabar kaba don ka mariang ka ban pynsngew khraw halor ka tnum bad hajan ka pung jngi.
Ka Tavern Club ka pdiang sngebha ïa kiba kwah ban mad ki jingbam baphylla bad kiba ban mad ki jingdih bapher bapher ba kin wan ban shemphang ïa kata ka “bar bad nightlife” bathymmai. Kane ka long ka jaka kaba biang bha ban pynjahthait ïalade ryngkat ki “cocktail” ha ki sngi-pohïa, ban lehsngewbha bad ki paralok kynthei jong phi ha ki “ladies’ nights” bad ban shad halor ki sur jingtem jong u DJ jong ngi ha ki sngi kut-taiew.
Ka ‘bar’ kaba i-shongdor ka tyrwa ki jait-jingdih ba la khleh kyrpang kiba don ka jingmad bad jinglong kaba phylla, ki ban pynlong ïa ki nongwan ba kin rah ïa ki klat jong ki shajrong baroh shi meit. Katto-katne ki jingdih bakyrpang ba la tyrwa ki kynthup : Kaffir Collins, Kynraw U Pa, Panch Phoron Spice Route, Under Pressure, Raspberry Kyllian, Yamaguchi Sunset.
Ki jait-jingbam ba tyrwa ha ka ‘bar’ ki kynthup ïa ki jingbam “vegetarian” bad “non-vegetarian”, ki jingbam ban shu mad-kai, ki jingbam ba hu syang, ki ‘seafood’ bad kita ki “summer cocktails” ba bha tam. Ka ‘menu’ ka kdew kyrpang ïa ki ‘Baked Nacho Sour Cream & Guacamole’, ‘Pulled Smoked Pork Slider in Chilli Garlic Bun’, ‘Wok Tossed Chicken Buffalo Wings’, ‘Sarso Mahi Tikka’, ‘Rosmary Potato Wedges’ bad ‘Tinga Tacos’, ‘Charcoal Roasted Seabass’ ban shu jer kyrteng tang katto katne.
Lada ka long ka jingkhawai ïathoh ka baheh-tam ha kato ka aiom lane ka jingrakhe ka barit, ka Tavern Club ka long ka jaka kaba biang tam ban pynlong ïa ka jingkhawai ba sah jingkynmaw tam ha ka jingim jong phi.
