New Delhi, Kyllalyngkot 08: Ka Sheikh Hasina ka la lah ban pynjop bïang ïa ka party Awami League (AL) ha ka eleklshon sha ka ïing dorbar bah jong ka Ri Bangladesh kaba la long ha ka Sngi U Blei 7/1/2024 bad kan long ka sien ba saw sien lynter ba kan jop. Kan long ka sien kaba san ba kan shimti ïa ka kam myntri rangbah duh hapoh ka Ri bangladesh.
Mynta ka sngi u myntri rangbah duh jong ka Ri Indïa u Narendra Modi u la phah ïa ka jingaikhublei ïa ka Sheikh Hasina ïa ka jingjop jong ka party jong ka ha kane ka election sha dorbar bah jong ka Bangladesh,ïa kane ka jingai khublei u la post ha ka ‘X’.
U Myntri rangbah ka Ri Indïa u la phone ban kren ai khublei ïa ka myntri rangbah duh jong ka Bangladesh kaba la jop ïa ka elekshon sha dorbar bah jong ka Bangladesh, ha kane ka jingïakren u la pynpaw ïa ka jingai khublei jong u ïa ki paidbah ka Bangladesh kiba la pynlong ïa ka elekshon kaba jop.
U Myntri Rangbah duh jong ka Ri Indïa u la ong ba na ka lïang jong ka Ri Indïa ka long kaba la jingmut ban dang bteng ïa ka jingïatrei lang bad ka Bangladesh na ka bynta ka jingbit jingbïang jong ki paidbah ka Bangladesh.
